Tag 11 – Halloween

Hüüt sind mir am 07:45 Ufgstande und denn hets än super feine z’Morge geh.Nachem z’Morge hets OK ä Packliste mit allne wichtige sache fürs Gländspiel ufghenckt und d’Chinde hend das super erlediget mitem Packe. Aschlüssend isch d’Schar i 4 Gruppene in Wald ufbroche. Wo den alli im Wald acho sind hend mer sofort d’Regle erchlärt und den isch s’Spiel au scho los gange. Nach de erste paar Fights hets den au scho bald z’Mittag geh und alli hend sich hungrig druff gstürtzt. Nach no meh härte Kämpf isch den bald mal Abig worde, den simmer au scho zrugg is Lagerhuus gange. Wo den alli nachenand go Dusche sind und den hets au scho z’Nacht geh. Nachem z’Nacht hets na n’gmüetliche Entspannigsabig geh.

IMG_6963