Tag 1

Mir händ üs hüt am 9i vor de Kirche in Kaltbrunn troffe und allne es Guets Neus gwünscht . Alli Chind und Eltere sind ganz verwirrt gsi, schliesslich hemmer no nie es Lager am 1.Januar agfange und für Neujahr ischs au zimli warm gsi. Währenddem mir ufs neue Jahr agstosse hend, isch de Zauberer driplatzt und het üs verzellt was schief glofe isch. Ihm isch nämli bim Zaubere es Missgschick passiert. Er hät die obersti Zauberregle missachtet; er het müsä nüssä und het so es Ziitportal errichtet wo üs wild im Jahr umereise laht.  D’Jumo wird ihm jetzt jede Tag müsä en Gegestand geh wo er für sin Zauber brucht. Nachdem mir dä Reisesege in Empfang gno hend und schlussendli in Tschierv acho sind, hemmer zerst mal gleugt womer da überhaupt glanded sind. Nach em Znacht hemmer all üsi Wünsch uf en Zettel gschriebe und de Zauberer het das mitübercho. Er het d Magie vo üsne Wünsch gspürt und isch zu üs cho. Er hofft das er mit Hilf vo dene Wünsch üs us dem Portal chan hole. Morn gsend mir ob er das gschafft het!

IMG_4612