Rückblick Herbstanlass

Am 10.11.2018 sind über 30 Chind und Leiter bide Kaplanei zämecho und hend sich nachher uf de Weg richtig OSZ Chaltbrunn gmacht. Nacheme Chettefangnis als Istig hend verschiedeni Gruppe abwechselnd Sport gmacht und Räbe gschnitzt. Um die viertelab 5ii hetts Znacht geh ide Kaplanei. Härdöpfelstock mit Wienerli und Vanilleglace mit Beeri isch s Menü gsi, es het allne trotz ungwöhnliche Farbe vum Esse sehr gmunded.

Am 6ii isch de Gottesdienst ide Chille mitem Motto «St.Martin» gsi. Nebem Gottesdienst hetts au no es Theater geh, wo vu paar Chind iigstudiert worde isch am Namitag.

Nachem Gottesdienst hemmer üs uf de Umzug mit de gschnitzte Räbeliechtli und vereinzelte andere coole Laterne gmacht. D Route isch via Lohre und Hältli zum Chupfetreff gange.

Zum Abschluss hetts Weggli und Punsch im Pfarreisaal im Chupfetreff geh.

S Jumo Leitigsteam bedankt sich ganz herzlich für de glungeni Aalass.