De Zauberer Jozé hät en ziemlich dumme Fähler gmacht. Er hät sich is All beamet und isch vo Aliens gfange und im Aliengfängnis iigsperrt worde. De Alien-chef isch mit sine Ghilfe uf d Erde cho aber dummerwiis händ sie sich alli verlore. So händ mir am Morge miteme Pfiifelispiel versuecht, am Alienboss sini Ghilfe zruggzbringe. Er hät aber gfunde, dass mir nöd sone grossi Hilf gsi sind und drum händ sie üs de Zauberer nöd zrugg geh. Nachem Mittag hämmer üs denn i verschiedene Challenges mit de Aliens gmesse und sie händ üs versproche, dass de Zauberer wieder frei wird wenn mir gwünned. Zum Glück hemmer das knapp gschafft und so isch de Zauberer am Obig gsund wieder bi üs aacho. Nachem Znacht sind d Aliens fürd Entfüehrig vom Zauberer vors Lagergricht cho und verurteilt worde. Will au mir nöd alli immer brav gsi sind, hemmer denn die schlimmste Tate usem Lagerläbe au no bestraft.

IMG_6409